इटलीले पत्ता लगायो कोरोनाभाइरसको औषधी, पहिलो पटक मानव कोषमा रहेको भाइरस मर्‍यो

काठमाडौं। इटलीमा विकास गरिएको एउटा कोरोनाभाइरस भ्याक्स्निले मानवमै सफलतापूर्वक काम गरेको पाइएको छ । मुसामा विकसित गरिएको एन्टिबडी प्रयोग गरी बनाइएको यो भ्याक्सिनले राजधानी रोमको संक्रामक रोगसम्बनधी स्पालान्जानी अस्पतालमा गरिएको परीक्षणमा सफलतापूर्वक काम गरेको पाइएको इटलियन समाचार एजेन्सी एएनएसआइलाई उद्धृत गर्दै अरब न्यूजले लेखेको छ । यो औषधी विकास गरिरहेको कम्पनी ताकिसका सिइओ लुइगी अरिसिचिओले यो भ्याक्सिनले मानव कोषमा रहेको भ्याक्सिन मारेको र यो विश्वमै पहिलो पटक भएको बताए ।

‘यो इटलीमा विकास गरिएको भ्याक्सिनको परीक्षणको सबैभन्दा सबैभन्दा उन्नत चरण हो’ अरिसिचिओले इटलियन समाचार एजेन्सी एएनएसएसँग भने ‘यो गर्मीपछि मानिसमा परीक्षण गर्ने अपेक्षा गरिएको छ ।’ उनले स्पालान्जानी अस्पतालका अनुसार विश्वमै पहिलो पटक यसरी भ्याक्सिनले कोरोनाभाइरसलाई ‘न्यूट्रिलाइजेशन’ गरेको घटना भएको बताए । उनले यो मानवमा पनि हुने अपेक्षा गरिएको बताए ।

उनका अनुसार ताकिसले अमेरिकाको लिनियाआरएक्स कम्पनीसँग किलेर अझै उच्चतम प्राविधिक उपलब्धीको खोजी गरिरहेको बताए । उनले यो कामको लागि अथक परिश्रम गरेको बताउँदै राष्ट्रिय र अन्तर्राष्ट्रिय संस्थानहरुबाट सहकार्यको अपेक्षा गरिएको बताए । यो औषधी सफल हुनासाथ विश्वभरलाई उपलब्ध गराउने भन्दै उनले थपे ‘यो कुनै प्रतिस्पर्धा होइन । हामीले आफ्नो शक्ति र सीप एकसाथ प्रयोग गर्यौं भने कोरोनाभाइरसलाई जित्न सक्छौं ।’

Leave a Reply

Your email address will not be published. Required fields are marked *