‘लभ परिराख्या बेला अदालतले डिभोर्स दिँदा घर फर्कनुपर्‍याे’ : प्रचण्ड

नेकपा माओवादी केन्द्रका अध्यक्ष पुष्पकमल दाहालले माधवकुमार नेपालसँग गहिरो ‘लभ’ परिरहेका बेला सर्वोच्च अदालतले ‘डिभोर्स’ गरिदिएको गुनासो गरेका छन् ।

दाहालले शनिबार आयोजित एक कार्यक्रममा नेपाल र आफूबीचको सम्बन्धलाई अदालतले छुटाइदिएपछि आआफ्नो घर फर्कनुपरेको गुनासो गरेका हुन् ।

‘अदालतले पति पत्नीलाई डिभोर्स गरेझै हामीलाई पनि आ-आफ्नो घरमा फर्काइदियो । त्यसैले मैले सेटिङ भयो भनेको हुँ’, दाहालले भने, ‘हाम्रो त लभ परिराख्या थियो ।’

माघ २८ को सभामा म कसरी बोलेको थिएँ, माधवजी कसरी बोल्नुभयो, झलनाथजी कसरी बोल्नुभयो । लभ नपरेको भए त्यसरी बोलिन्न्थ्यो । लभ परेकालाई अदालतले जबर्जस्ती डिभोर्स गरिदिन पाइन्छ ? यसरी डिभोर्स गरिदिनु त प्राकृतिक रुपले पनि अन्याय भयो । नागरिक